Thursday, February 26, 2009

మాకు కరెంట్ వద్దు...

మన పొరుగున ఉన్న భూటాన్ మనకన్నా చిన్న దేశం. మనకన్నా పేద దేశం. కాని భూటాన్ ప్రజల మనసులు మాత్రం చాలా విశాలం. వారికి భూతదయ ఎంత ఎక్కువంటే, నదుల్లోని చేపలని పట్టరు. డబ్భై ఐదు శాతం అడవే అయినా జంతువుల్ని వేటాడి చంపరు. ఆ దేశంలోని ఫోబ్జికా లోయకు తరచూ కొంగలు వలస వస్తూంటాయి. ఆ లోయకి వచ్చే దారిలో ఉన్న ఓ ఊళ్ళోని కరెంటు తీగల మీద వాలి అవి మరణించడం గమనించిన ఆ ఊరి వాసులు విద్యుత్‌కు స్వస్తి చెప్పారు. సౌర శక్తితో తమ ఇళ్ళను వెలిగించుకుంటున్నారు. వారు బాగా సున్నిత మనస్కులు కాబట్టి హింసా ప్రవృత్తి గల రెజ్లింగ్ పోటీలను ప్రసారం చేసే పాశ్చాత్య ఛానెళ్ళకు అడ్డుకట్ట వేశారు. ఫ్యాషన్ టీవీ, టెన్ స్పోర్ట్స్, ఎంటీవీ లాంటి అర్ధనగ్న దృశ్యాలు ప్రసారం చేసే ఛానెళ్ళు కూడా భూటాన్‌లో ప్రసారం కావు. బహిరంగ ప్రదేశాల్లో సిగరెట్ తాగడాన్ని నిషేధించిన తొలి దేశం కూడా భూటానే. ప్రజలు ఇలాంటి మంచి పనులకు వ్యతిరేకతను తెలియచేయకపోవడం వారి సంస్కారాన్ని తెలియజేస్తుంది. సమున్నత సంస్కృతికి మారు పేరని చెప్పుకునే మన భారతీయులంతా భూటాన్‌ను అనుసరించాల్సిన అవసరముంది.

సౌజన్యం: గౌరవనీయులు శ్రీ మల్లాదిగారు
Print this post

1 comment:

మధురవాణి said...

శ్రీనివాస్ గారూ,
మంచి విషయాన్ని తెలియజేసారు. ధన్యవాదాలు.
నిజంగా మనుషులంటే వాళ్ళేనండీ..!
ఒక సమాజంలో బ్రతుకుతూ.. ఇది మనందరిదీ.. అన్న స్పృహ కలిగిన వారు.. అలాగీ.. అందరం ఒక మంచి మాట మీద నిలబడదాం... కలిసి మెలిసి మసలుదాం అనే ఉన్నతమైన వ్యక్తిత్వం కలవారు...
ఇలాంటి మనుషులుంటే.. ఏ దేశం అయినా స్వర్గంలా ఉంటుందేమోనని.. నాకనిపిస్తుంది.